Það er komið vetrarfrí í ensku úrvalsdeildinni og nokkrir leikmenn Manchester United hafa nú þegar flogið af landi brott í meiri sól og hita en kann að vera í Manchester um þessar mundir.

Manchester United vann frækinn 1-0 sigur á West Ham United á laugardaginn með flautumarki skoruðu af Marcus Rashford, mikill léttir fyrir lærisveina Ralfs Ragnicks sem margir hverjir flugu af landi brott strax um kvöldið.

Varnarmaðurinn Harry Maguire, sást ásamt unnustu sinni Fern Hawkins á flugvellinum í Manchester þar sem að parið átti flug til Dúbaí samkvæmt The Sun.

Þá sást hetja laugardagsins, Marcus Rashford, einnig á Manchester flugvelli ásamt kærustu sinni og æskuástinni Luca Loi sem og félaga sínum. För þeirra var einnig heitið til Dúbaí en það sama var einnig uppi á teningnum hjá bakverði liðsins, Diogo Dalot.

Það voru ekki bara leikmenn Manchester United sem flugu á brott af Bretlandseyjum um helgina en Jordan Pickford, markvörður Everton hélt í frí ásamt eiginkonu sinni, Megan Davinson, á flugvellinum hitti hann fyrir andstæðing sinn frá því fyrr um daginn en Tyrone Mings, leikmaður Aston Villa var einnig á leið í frí. Það sama gilti um liðsfélaga hans, John McGinn.

Eftir strembnar fyrstu vikur hjá Newcastle, hélt Chris Wood, nýjasti leikmaður félagsins út í sólina.

Enski boltinn á 433 er í boði