Karim Benzema, framherji Real Madrid, telur það bara vera tímaspursmál hvenær Lionel Messi fer aftur af stað og fer að heilla fólk með hæfileikum sínum hjá PSG.
Messi samdi við PSG síðasta sumar eftir að hafa verið allan ferilinn hjá Barcelona eins og þekkt er.
Messi hefur verið langt frá sínu besta hjá PSG en hann hefur skorað sex mörk í 16 leikjum á tímabilinu en hann hefur verið töluvert meiddur og greindist einnig með Covid í jólafríinu.
Benzema finnst ekki sanngjarnt að Messi fái þessa gagnrýni.
„Þú gagnrýnir ekki leikmann eins og Messi. Sá sem gagnrýnir hann veit ekkert um fótbolta,“ sagði Benzema við Telefoot.
