fbpx
Þriðjudagur 24.maí 2022
433Sport

Fjarlægðu dagsetningar í frétt af máli Gylfa Þórs – Stóð aldrei til boða að framlengja farbann um aðeins þrjá daga

Aron Guðmundsson
Fimmtudaginn 20. janúar 2022 11:17

Getty Images

Ekki missa af Helstu tíðindum dagsins í pósthólfið þitt

Lesa nánar

Breska götublaðið The Sun hefur fjarlægt dagsetningar úr frétt sinni sem birtist á dögunum þess efnis að knattspyrnumaðurinn Gylfi Þór Sigurðsson, yrði laus gegn tryggingu í máli sínu í þrjá daga til viðbótar. Þess í stað stendur nú að ákvörðun um framlengingu á farbanni hafi verið tekin.

Í dag var það tilkynnt að Gylfi yrði áfram laus gegn tryggingar næstu þrjá mánuðina en hann er sakaður um að hafa brotið kynferðislega á ólögráða einstaklingi.

Fréttablaðið segist hafa heimildir fyrir því að ákvörðun um framlengingu til þriggja mánaða í málinu hafi legið fyrir í nokkra daga. Það hafi aldrei komið til greina hjá yfirvöldum í Bretlandi að það yrði aðeins framlengt til þriggja daga.

Farbann yfir Gylfa hefur nú verið framlengt í þrígang.

Gylfi Þór var handtekinn um miðjan júlí á síðasta ári og grunaður um kynferðisbrot gegn ólögráða einstaklingi. Samkvæmt miðlum á Bretlandseyjum hefur Gylfi Þór harðneitað sök í málinu.

Skömmu eftir handtökuna var Gylfi látinn laus gegn tryggingu og hefur verið laus síðan þá.

Þann 19. júlí á síðasta ári var það tilkynnt af hálfu enska úrvalsdeildarfélagsins Everton að leikmaður liðsins hefði verið sendur í ótímabundið leyfi hjá félaginu vegna lögreglurannsóknar. Um var að ræða Gylfa Þór sem hefur enn ekki verið nafngreindur í enskum miðlum sökum vegna lagalegra ástæðna.

Gylfi er á samningi hjá enska úrvalsdeildarfélaginu Everton en samningur hans þar rennur út í sumar. Síðan að málið kom upp hefur Gylfi Þór ekkert spilað fyrir liðið, hann var ekki í leikmannahópi liðsins sem skráður var í ensku úrvalsdeildina og hefur einnig ekki verið hluti af íslenska landsliðinu.

Lögreglan ytra hefur gefið sér góðan tíma í rannsókn málsins sem hefur teygt anga sína yfir marga mánuði en í sambærilegu máli frá árinu 2015 sem varðaði annan knattspyrnumann tók rannsókn málsins aðeins sex vikur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 9 klukkutímum

Uppfyllir hinstu ósk umboðsmannsins umdeilda og tekur við stjórnartaumunum

Uppfyllir hinstu ósk umboðsmannsins umdeilda og tekur við stjórnartaumunum
433Sport
Fyrir 19 klukkutímum

Besta deild kvenna: Fyrsta tap Selfyssinga kom gegn Stjörnunni

Besta deild kvenna: Fyrsta tap Selfyssinga kom gegn Stjörnunni
433Sport
Fyrir 22 klukkutímum

Axel Óskar lék allann leikinn í góðum sigri Örebro

Axel Óskar lék allann leikinn í góðum sigri Örebro
433Sport
Fyrir 23 klukkutímum

Lögreglan ætlar ekkert að aðhafast í máli Vieira eftir að hann sparkaði í stuðningsmann

Lögreglan ætlar ekkert að aðhafast í máli Vieira eftir að hann sparkaði í stuðningsmann
433Sport
Í gær

Sjáðu myndirnar: Stjörnum prýtt partí langt fram eftir nóttu

Sjáðu myndirnar: Stjörnum prýtt partí langt fram eftir nóttu
433Sport
Í gær

Nýrri landsliðstreyju Íslands lekið á netið? – Sjáðu hana hér

Nýrri landsliðstreyju Íslands lekið á netið? – Sjáðu hana hér
433Sport
Í gær

Segir Heimi á gulu spjaldi – „Það er súrt yfir þessu“

Segir Heimi á gulu spjaldi – „Það er súrt yfir þessu“
433Sport
Í gær

Liverpool gengur frá fyrstu kaupum sumarsins

Liverpool gengur frá fyrstu kaupum sumarsins