Ítalska knattspyrnuliðið Lecce hefur fest kaup á miðjumanninum Davið Snæ Jóhannssyni frá Keflavík. Frá þessu greinir Lecce í tilkynningu í dag.
Hinn 19 ára gamli Davíð mun spila með varaliði félagsins í Primavera deildinni fyrst um sinn en hann skrifaði undir eins og hálfs árs samning en möguleiki er til staðar fyrir að framlengja samninginn um þrjú ár.
Davíð verður ekki eini Íslendingurinn á mála hjá Lecce, þar mun hann hitta fyrir Þórir Jóhann Helgason.
