Aston Villa hefur staðfest kaup sín á Lucas Digne bakverði Everton en kaupverðið er í kringum 25 milljónir punda.
Digne er franskur landsliðsmaður en hann hefur áður leikið með Barcelona, PSG og fleiri liðum.
„VIð stukkum á tækifærið þegar Digne var í boði,“ sagði Steven Gerrard stjóri Aston Villa.
Digne var í stríði við Rafa Benitez stjóra Everton sem vildi losna við bakvörðinn. „Fyrir ári skrifaði ég undir nýjan samning við Everton enda vildi ég vera lengi hérna. Það sem átti sér svo stað og sumir hlutir sem voru sagðir um mig gerðu mig sáran. Stundum þarf bara einn aðila til að skemma samband,“ sagði Digne um Benitez.
