Gabriel Jesus þarf að passa sig í Norður-Lundúnaslagnum gegn Tottenham á morgun, ef hann ætlar að koma í veg fyrir að fara í bann í ensku úrvalsdeildinni.

Brasilíumaðurinn hefur fengið fjögur spjöld í fyrstu sjö leikjum Arsenal í deildinni. Þegar leikmenn fá fimm gul spjöld þurfa þeir að sitja hjá í einn leik.

Jesus hefur farið á kostum í fyrstu leikjum sínum með Arsenal. Hann hefur skorað fjögur mörk og lagt upp þrjú í fyrstu sjö leikjum sínum með liðinu í úrvalsdeildinni.

Sóknarmaðurinn kom frá Manchester City í sumar, þar sem hann vildi meiri spiltíma.

Leikur Arsenal og Tottenham hefst klukkan 11:30 á morgun að íslenskum tíma.