Hin umdeilda Wanda og eiginmaður hennar, Mauro Icardi, eyddu að meðaltali því sem nemur 56-70 milljónum íslenskra króna á mánuði þegar hjónin bjuggu í París ásamt börnum sínum.

Wanda er einnig umboðsmaður Icardi, sem yfirgaf Paris Saint-Germain á dögunum og hélt til Galatasaray í Tyrklandi, þar sem hann mun ekki þéna eins vel.

Þó að Wanda og Icardi hafi lifað algjöru lúxuslífi í París fór hluti peninganna í nám hjá börnunum, hús þeirra í Mílanó og fleira, en framherjinn spilaði áður með Inter.

Bæði Wanda og Icardi hafa verið dugleg að koma sér í fréttir undanfarin ár. Þau hafa bæði verið sökuð um framhjáhald og samband þeirra oft talið hanga á bláþræði. Þau haldast hins vegar enn saman.