Samkvæmt staðarmiðlinum Manchester Evening News mun Manchester United reyna að krækja í Victor Osimhen, framherja Napoli í janúar.
Hinn 23 ára gamli Osimhen var einnig orðaður við United í sumar, en félagið er í leit að framherja.
Samningur Nígeríumannsins rennur ekki út fyrr en sumarið 2025. United þyrfti því að borga hressilega upphæð fyrir hann.
Osimhen hefur farið nokkuð vel af stað með Napoli á þessari leiktíð. Hann hefur skorað tvö mörk og lagt upp eitt í fimm leikjum í Serie A það sem af er.
Kappinn á að baki 23 landsleiki fyrir hönd Nígeríu. Í þeim hefur hann skorað fimmtán mörk.
Enski boltinn á 433 er í boði 
