Alfons Sampsted, leikmaður Íslands, hefur þurft að draga sig úr landsliðshópnum fyrir verkefni gegn Venesúela og Albaníu.
Knattspyrnusambandið hefur staðfest þessar fregnir en Alfons meiddist gegn Haugesund í norsku úrvalsdeildinni.
Höskuldur Gunnlaugsson, leikmaður Breiðabliks, hefur tekið pláss Alfons og verður til taks í leikjunum.
Þetta er mikill missir fyrir Ísland en Alfons er fastamaður hjá Bodo/Glimt og spilar alla leiki liðsins.
Ísland spilar æfingaleik við Venesúela þann 22. september og mætir svo Albaníu þann 27. september í Tirana.
