Þór/KA 3 – 3 ÍBV
0-1 Kristín Erna Sigurlásdóttir (’16)
1-1 Haley Marie Thomas (’17, sjálfsmark)
1-2 Madison Elise Wolfbauer (’47)
2-2 Sandra María Jessen (’67)
2-3 Kristín Erna Sigurlásdóttir (’69)
3-3 Sandra María Jessen (’85)

Það fór fram einn leikur í Bestu deild kvenna í kvöld og vantaði ekki upp á fjörið er spilað var á Akureyri.

Þór/KA og ÍBV áttust við í eina leik kvöldsins og lauk honum með 3-3 jafntefli í markaveislu.

Þór/KA missti af þremur stigum í kvöld en liðið er í harðri fallbaráttu og er í áttunda sæti deildarinnar.

Með jafnteflinu fer liðið í 14 stig og er tveimur stigum á undan Aftureldingu sem situr í fallsæti.

ÍBV er á þægilegum stað eftir 15 umferðir er í fimmta sæti með 23 stig.