Þróttur R. 2 – 3 Keflavík
0-1 Anita Lind Daníelsdóttir(’16)
0-2 Amelía Rún Fjeldsted(’45)
1-2 Ólöf Sigríður Kristinsdóttir(’49)
1-3 Snædís María Jörundsdóttir(’50)
2-3 Andrea Rut Bjarnadóttir(’89)
Það fór fram mjög fjörugur leikur í Bestu deild kvenna í kvöld er Þróttur Reykjavík og Keflavík áttust við.
Keflavík vann gríðarlega góðan 3-2 útisigur og er í raun að bjarga sér frá falli með sigrinum í kvöld.
Keflavík var fyrir leik með 13 stig eftir 15 umferðir, fjórum stigum frá fallsæti þar sem Afturelding situr með níu stig.
Þessi þrjú stig eru mjög dýrmæt fyrir Keflvíkinga í fallbaráttunni og nú eru sjö stig í Aftureldingu þegar lið eiga eftir að spila fimm eða sex leiki.
Þróttarar eru í fjórða sætinu með 25 stig, þremur stigum á eftir Stjörnunni sem er í þriðja sæti.
