Selfoss 1 – 1 Stjarnan
1-0 Miranda Nild(’18)
1-1 Gyða Kristín Gunnarsdóttir(’38)
Einn leikur fór fram í Bestu deild kvenna í kvöld er Selfoss og Stjarnan áttust við.
Stjarnan gat með sigri í kvöld komist í annað sæti deildarinnar og upp fyrir Breiðablik sem á þó leik til góða.
Leiknum lauk með 1-1 jafntefli á Selfossi og er Stjarnan enn stigi á eftir Blikum þegar 15 umferðir eru búnar.
Miranda Nild kom Selfoss yfir í þessum leik en Gyða Kristín Gunnarsdóttir jafnaði metin fyrir gestina.
