Cristiano Ronaldo, leikmaður Manchester United, er í fríi þessa helgina eins og allir leikmenn ensku úrvalsdeildarinnar.

Eftir andlát Elísabetar Bretlandsdrottingu var ákveðið að fresta öllum þeim leikjum sem áttu að fara fram um helgina.

Hann birti mynd af sér með umdeildum Íslandsvini í dag eða sálfræðingnum Jordan Peterson.

Peterson er nýlega búinn að vera hér á landi en hann hefur tvívegis haldið fyrirlestra í Hörpu og nú síðast í Háskólabíó.

,,Gaman að sjá þig vinur,“ skrifar Ronalo við myndina af sér og Petersen sem hann deildi á samfélagsmiðla.

Peterson hefur lengi verið einn eftirsóttasti og vinsælasti fyrirlestrari heims og skrifaði metsölubókina Rules for Life: An Antidote to Chaos.