Eiður Smári Guðjohnsen, þjálfari FH, og Sigurvin Ólafsson, aðstoðarmaður hans, vöktu mikla athygli fyrir klæðnað sinn á hliðarlínunni í leik gegn KR í Bestu deild karal í gær.
Leiknum lauk með markalausu jafntefli. FH er í bullandi fallbaráttu á meðan KR berst við að vera í efri hlutanum þegar deildinni verður skipt upp.
Eiður og Sigurvin voru í alveg eins, gráum Nike-jogginggöllum í gær. Vakti það mikla athygli.
Málið var til umræðu í hlaðvarpsþættinum Dr. Football í gær.
„Þetta var eins og einhver samfestingur,“ sagði Albert Brynjar Ingason í þættinum.
„Öll pör sem eru á leið á Tommamótið saman fara í þennan. Þetta er opinber galli þannig liðs, nákvæmlega þessi Nike-galli,“ sagði Hjörvar Hafliðason. „Þeir eiga að halda áfram að vera í þessum galla.“
Hér fyrir neðan má sjá glitta í þá félaga í leiknum í gær.
