Stjórn KSí fundaði á dögunum en fundargerðin hefur nú verið birt opinberlega á vef Knattspyrnusambandsins.

Umræða um dómara og þeirra störf fer oft í fréttir og þá sérstaklega þegar hegðun í garð þeirra þykir ósæmileg.

Slík atvik hafa komið upp á síðustu vikum og voru málefni dómara sérstaklega rædd á síðasta fundi stjórnar.

„Halldór Breiðfjörð formaður dómaranefndar ræddi um dómaramál en það er jákvætt að íslenskir dómarar eru að fá krefjandi verkefni erlendis. Rætt um hegðun gagnvart dómurum. Stjórn samþykkti að fela dómaranefnd að skoða til hvaða aðgerða er hægt að grípa til að styðja við jákvæða hegðun gagnvart dómurum,“ segir í fundargerð KSÍ.

Sambandið ætlar því að grípa til aðgerða tli þess að stuðla að því að hegðun knattspyrnufólks og stuðningsmanna í garð dómara batni.

Þessir aðilar sátu fundinn:

Mættir stjórnarmenn: Vanda Sigurgeirsdóttir formaður, Borghildur Sigurðardóttir varaformaður, Sigfús Ásgeir Kárason varaformaður, Guðlaug Helga Sigurðardóttir, Helga Helgadóttir, Ívar Ingimarsson (á teams), Orri V. Hlöðversson (tók sæti á fundinum kl. 16:20), Pálmi Haraldsson, Torfi Rafn Halldórsson og Unnar Stefán Sigurðsson.

Mættir varamenn í stjórn: Halldór Breiðfjörð Jóhannsson, Kolbeinn Kristinsson og Tinna Hrund Hlynsdóttir.

Mættur framkvæmdastjóri: Klara Bjartmarz sem ritaði fundargerð.