Erik ten Hag stjóri Manchester United hefur sagt enn á ný að Cristiano Ronaldo sé í hans plönum fyrir þennan veturinn.

Ronaldo vill fara frá Manchester United en hingað til hefur ekkert félag haft áhuga á að gera tilboð í hann.

Ronaldo er 37 ára gamall en hann á ár eftir af samningi sínum en hann vill spila í Meistaradeildinni.

„Ég veit ekki af hverju hann er til umræðu eftir tapið gegn Brentford, það var liðið sem spilaði illa og var með slæmt viðhorf. Ronaldo var þar á meðal,“ sagði Ten Hag.

„Hann er í okkar plönum, það er allt sem ég hef að segja,“ sagði Ten Hag sem tekur á móti Liverpool á mánudag.