Félagaskipti Casemiro frá Real Madrid til Manchester United eru yfirvofandi. Carlo Ancelotti, stjóri Real, hefur staðfest að miðjumaðurinn sé á förum.
Casemiro mun kosta United um 50 milljónir punda til að byrja með. Fær Brasilíumaðurinn fjögurra ára samning á Old Trafford.
„Ég hef talað við Casemiro. Hann vill prófa eitthvað nýtt og vil skiljum það,“ segir Ancelotti.
„Viðræður standa yfir en hann hefur ákveðið að fara frá Real Madrid.“
Hinn þrítugi Casemiro hefur þrisvar sinnum orðið Spánarmeistari með Real Madrid og fimm sinnum Evrópumeistari, svo eitthvað sé nefnt.
United hefur byrjað tímabilið afleitlega og tapað gegn Brighton og Brentford í ensku úrvalsdeildinni, þar af 4-0 gegn síðarnefnda liðinu.
