Riqui Puig, fyrrum leikmaður Barcelona, gat ekki trúað því að hann hafi fengið símtal frá LA Galaxy í sumar.

Puig er 23 ára gamall miðjumaður en hann skrifaði undir í Bandaríkjunum í ágúst til ársins 2023.

Af einhverjum ástæðum var Puig mjög hissa og stoltur þegar hann heyrði frá Galaxy sem er töluvert minna félag en Barcelona.

Puig lék alls 42 deildarleiki með Barcelona á fjórum árum í aðalliðinu og þar á meðal 15 á síðustu leiktíð.

,,Ég gat ekki trúað því að þetta félag væri að hafa samband við mig, ég trúði því ekki að ég hafi fengið hringingu frá eina sanna LA Galaxy,“ sagði Puig.

,,Ég elska að taka áhættur og þetta er ný borg fyrir mig og nýtt tækifæri. Þetta er deild fyrir unga leikmenn og treystið mér á næstu árum fáiði að sjá fleiri.“