Ajax er búið að hafna tæplega 70 milljónum punda frá Manchester United í sóknarmanninn Antony.
Sky Sports greinir frá þessu í kvöld en Antony hefur verið orðaður við Man Utd í allt sumar.
Hann vann með Erik ten Hag, stjóra Man Utd, í Hollandi og vill Hollendingurinn mikið fá hann á Old Trafford.
Tilboðið hljóðaði upp á 67,6 milljónir punda en Ajax var ekki lengi að hafna boðinu.
Það eru tvær vikur eftir af sumarglugganum og er Man Utd að reyna mikið til að fá inn framherja fyrir gluggalok.
