Goal.com fjallar nú um það hvenær Manchester United féll síðast úr efstu deild eftir hörmulega byrjun á tímabilinu.
Þessi grein vekur töluverða athygli en það eru fáir sem trúa því að fall verði niðurstaðan hjá enska stórliðinu er tímabilinu lýkur.
Man Utd hefur tapað fyrstu tveimur deildarleikjum sínum til þessa en það hefur ekki gerst í heil 20 ár.
Liðið tapaði 4-0 gegn Brentford um helgina en opnunarleikurinn tapaðist einnig heima gegn Brighton á heimavelli.
Man Utd hefur spilað í efstu deild frá árinu 1974 og er sigursælasta félag ensku úrvalsdeildarinnar [stofnuð 1992] með 13 deildarmeistaratitla.
Liðið hefur aldrei lent neðar en í sjöunda sæti úrvalsdeildarinnar og gerðist það árið 2014 er David Moyes sá um að stýra liðinu.
Man Utd hefur alls fallið fimm sinnum úr efstu deild en 48 ár hafa liðið síðan félagið var ekki í hóp þeirra bestu.
Liðið vann síðast deildarmeistaratitilinn undir Sir Alex Ferguson en lítið hefur gengið upp síðan hann kvaddi félagið.
