Það er útlit fyrir að Cristiano Ronaldo sé alls ekki inni í myndinni hjá Real Madrid í sumar.
Ronaldo er markahæsti leikmaður í sögu Real en hann er hjá Manchester United í dag og vill komast þaðan sem fyrst.
Ástæðan er sú að Ronaldo vill spila í Meistaradeildinni sem verður ekki raunin á Old Trafford í vetur.
Florentino Perez, forseti Real, var spurður út í Ronaldo í gær og talar svar hans í raun fyrir sig.
,,Cristiano? Aftur? 38 ára gamall?“ sagði Perez áður en hann labbaði burt hlæjandi.
Ronaldo verður 38 ára gamall næsta febrúar en hann hefur verið orðaður við ófá félög í sumar.
