Ben White, leikmaður Arsenal, fékk að heyra það síðasta sumar eftir skipti sín frá Brighton til Arsenal.

White segir að ungir knattspyrnuáhugamenn hafi látið hann heyra það eftir félagaskiptin en tekur ekki fram hvaða lið þeir hafi stutt.

White kostaði Arsenal 50 milljónir punda í fyrra sem var verðmiði sem margir töldu vera of háan fyrir varnarmanninn.

,,Það voru ungir krakkar sem létu mig gjörsamlega heyra það, þeir fóru illa með mig,“ sagði White.

,,Þeir töluðu á meðal annars um: ’50 milljónir punda? Þú ert ömurlegur.’

,,Hjá svona félagi þá máttu ekki gera mistök, þú mátt ekki eiga slæma daga. Þetta er erfitt andlega og ég ætlast mikils af sjálfum mér.“

,,Ég þarf ekki neinn til að segja mér hvort ég hafi gert illa eða ekki, ég veit það.“