Gömul mynd af Adrien Rabiot er nú í dreifingu á samfélagsmiðlum, þegar skipti hans til Manchester United eru yfirvofandi.

Adrien Rabiot verður að öllum líkindum leikmaður Man Utd á næstu dögum. Franski miðjumaðurinn kemur frá Juventus.

Ítalska félagið er meira en til í að selja leikmanninn. Því munu skiptin ganga í gegn um leið og hann sjálfur semur um sín kaup og kjör. Móðir hans, Veronique, er einnig umboðsmaður Rabiot og ræðir málin fyrir hönd sonarins.

Rabiot var áður á mála hjá Paris Saint-Germain í Frakklandi. Þessi 27 ára gamli leikmaður skipti yfir til Juventus sumarið 2019.

Nú hefur mynd af ungum Rabiot í æfingabúningi Manchester City verið birt víðs vegar á samfélagsmiðlum, sem og í enskum blöðum. Hafa margir gaman að, enda leikmaðurinn að ganga í raðir erkifjendanna í Man Utd.

Myndina má sjá hér að neðan.

Enski boltinn á 433 er í boði