Manchester United er í dag óvænt orðað við framherjann Marko Arnautovic sem spilar með Bologna.
Arnautovic þekkir vel til enska boltans en hann gerði vel með bæði Stoke og West Ham á sínum tíma.
Sky Italia segir frá því í kvöld að Bologna sé búið að hafna einu tilboði Man Utd í þennan 33 ára gamla leikmann.
Erik ten Hag, stjóri Man Utd, var spurður út í mögulega komu Arnautovic eftir 2-1 tap gegn Brighton í dag.
,,Ég vil ekki tala um nöfn því ég held að 250 leikmenn séu orðaðir við Man Utd á undirbúningstímabilinu,“ sagði Ten Hag.