Wesley Fofana verður mögulega dýrasti varnarmaður heims í sumar ef hann gengur í raðir Chelsea.

Chelsea er að reyna að fá Fofana í sínar raðir frá Leicester en félagið vill fá allt að 85 milljónir punda fyrir leikmanninn.

Samkvæmt enskum miðlum er það verðmiði sem Chelsea gæti borgað en mun þó reyna að lækka hans eins mikið og hægt er.

Ef Fofana kostar yfir 80 milljónir punda verður hann dýrasti varnarmaður sögunnar.

Leicester seldi einmitt dýrasta varnarmann sögunnar á sínum tíma er Harry Maguire gekk í raðir Manchester United fyrir 80 milljónir.

Chelsea þarf á miðverði að halda í sumar en liðið missti bæði Andreas Christensen og Antonio Rudiger til Spánar.