Carl Jenkinson, fyrrum leikmaður Arsenal, hefur tekið ansi óvænt skref á ferlinum og er mættur til Ástralíu.
Jenkinson er 30 ára gamall varnarmaður en hann skrifar undir tveggja ára samning við Newcastle Jets.
Jenkinson hefur spilað með liði Nottingham Forest undanfarin þrjú ár en hefur þurft að sætta sig við mikla bekkjarsetu.
Bakvörðurinn á að baki einn landsleik fyrir England sem kom árið 2012 og lék þá 41 deildarleik fyrir Arsenal á átta árum.
Hann spilaði með Melbourne City á láni fyrr á þessu tímabili en semur endanlega við Newcastle Jets til tveggja ára.
