David Moyes, stjóri West Ham, viðurkennir að hann hafi verið steinhissa í sumar er félaginu mistókst að fá Jesse Lingard frá Manchester United.

Lingard var fáanlegur á frjálsri sölu í sumar en hann lék með West Ham í láni fyrir tveimur tímabilum síðan og stóð sig mjög vel.

Það var vilji West Ham að fá leikmanninn aftur í sínar raðir en hann ákvað að lokum að semja við nýliða Nottingham Forest.

Moyes bjóst ekki við þessari ákvörðun frá Lingar og segir að hún hafi komið verulega á óvart að lokum.

,,Þetta kom mér mjög á óvart já. Ég hélt að Jesse myndi að lokum koma hingað og ég get sagt að félagið gerði honum frábært tilboð,“ sagði Moyes.

,,Það er ekki hægt að segja að eigendurnir hafi ekki gert allt til að fá hann því það var gert. Við höfum reynt að fá marga leikmenn en margar ástæður eru fyrir því að það hefur ekki alltaf gengið upp.“