Sergio Aguero, goðsögn Manchester City, hefur tjáð sig um þá ákvörðun félagsins að selja Raheem Sterling í sumar.

Sterling var nokkuð óvænt seldur frá Man City í sumar og gerði samning við Chelsea eftir sex ár í Manchester.

Sterling er 27 ára gamall en hann lék lengi vel með Aguero á Etihad og þótti standa sig vel eftir komu frá Liverpool.

,,Ég skil ekki söluna á Sterling. Það er stundum sem Man City tekur undarlegar ákvarðanir,“ sagði Aguero.

Aguero sagði frá þessu á rás sinni á Twitch þar sem hann er duglegur að ræða við aðdáendur.

Sterling kostaði Chelsea um 50 milljónir punda og verður líklega fastamaður í liðinu í vetur.