Það er enginn hjá Atletico Madrid að tala um mögulega komu Cristiano Ronaldo en hann er sterklega orðaður við félagið.

Ronaldo vill komast burt frá Manchester United í sumar og spila í Meistaradeildinni og er Atletico talinn líklegur áfangastaður.

Það er þó ekki eitthvað sem er á milli tannnana hjá leikmönnum Atletico segir fyrirliði liðsins, Koke.

Koke segist hafa fulla trú á þeim leikmönnum sem eru hjá félaginu í dag og er ekki að hugsa um mögulega komu Portúgalans.

,,Það er enginn að tala um Cristiano Ronaldo í búningsklefanum, samherjar mínir eru frábærir,“ sagði Koke.

,,Við erum með framherja frá Argentínu, Brasilíu, Portúgal, Frakklandi og Spáni. Þetta eru frábærir leikmenn sem geta afrekað flotta hluti, ég treysti þeim öllum.“