Inaki Williams, leikmaður Athletic Bilbao, hefur ákveðið að spila fyrir landslið Gana frekar en Spán.
Þessi 28 ára gamli leikmaður er einn besti leikmaður Athletic og hefur lengi verið helsta vopn liðsins í sókninni.
Williams hefur áður spilað fyrir landslið Spánar en hann spilaði gegn Bosníu í vináttulandsleik sem fór fram 2016.
Síðan þá hefur Williams ekki spilað fyrir Spán og velur það að leika fyrir Gana og kemst með liðinu á HM í Katar.
Foreldrar Williams koma frá Gana en hann hefur allt sitt líf búið á Spáni og er fæddur í Bilbao.
Hann lék einnig 17 landsleiki fyrir U21 landslið Spánar frá 2015 til 2017.
