Kalvin Phillips er farinn frá Leeds til Manchester City. Skiptin voru staðfest fyrr í morgun.
Leeds leitar því að arftaka hans á miðjunni en Phillips var afar mikilvægur fyrir liðið.
Nú er sagt frá því að Tyler Adams gæti komið til Leeds til að lesya enska landsliðsmanninn af.
Adams er bandarískur miðjumaður sem spilar með RB Leipzig í Þýskalandi. Jesse Marsch, stjóri Leeds, er Bandaríkjamaður einnig.
Sjálfur vill Adams ólmur ganga til liðs við Leeds, sem þyrfti að greiða 10-12 milljónir punda fyrir hans þjónustu.
Adams er 23 ára gamall og hefur verið á mála hjá Leipzig síðan 2019. Þar áður lék hann með New York Red Bulls.
Miðjumaðurinn á að baki nítján leiki fyrir bandaríska A-landsliðið.
Tyler Adams to Leeds is progressing fast. Leeds have explored loan with option to buy & a permanent deal. Xavier Schlager’s arrival at Leipzig suddenly means Adams’ fee will be £10-12 million hence why Leeds may buy outright. Adams really wants the move and has spoken to Marsch. https://t.co/unMRp5vgEN
— Ben Jacobs (@JacobsBen) July 3, 2022
