Napoli hefur mikinn áhuga á að fá Cristiano Ronaldo frá Manchester United í sumar samkvæmt the Athletic.
Fyrr í dag fullyrti Times það að Ronaldo vildi komast burt frá Old Trafford en hann hefur ekki áhuga á að spila í Evrópudeildinni.
Ronaldo hefur einnig áhyggjur af starfsemi Man Utd í glugganum í sumar og vill ekki að félagið hafni tilboðum í sig í glugganum.
Hann efast stórlega um að Man Utd muni berjast um stærstu titlana á næstunni og telur sig eiga þrjú eða fjögur ár eftir í hæsta gæðaflokki.
Napoli er það lið sem sýnir mestan áhuga samkvæmt Athletic en Ronaldo þekkir vel til ítölsku deildarinnar.
Portúgalinn lék þar með Juventus við góðan orðstír áður en hann hélt til Englands í fyrra.
