Sergio Romero hefur áhuga á því að ganga aftur í raðir Manchester United, aðeins ári eftir að hafa yfirgefið félagið. Manchester Evening News hefur þetta eftir örugugm heimildum.
Þessi 35 ára markvörður frá Argentínu er án félags eftir að Venezia féll úr Seriu A á Ítalíu.
Romero var í herbúðum United frá 2015 til 2021 og lék 61 leik. Hann lék ekkert á síðasta tímabili sínu eftir deilur við Ole Gunnar Solskjær.
Romero æfði með varaliði féalgsins síðasta árið en hann var ósáttur þegar hann fékk ekki að fara til Everton.
United er að lána Dean Henderson til Nottingham Forrest og leitar að markverði til að vera til taks fyrir David de Gea en félagið er einnig með Tom Heaton í sínum herbúðum.
United hefur ekki rætt formlega við Romero en félagið er nú meðvitað um áhuga hans um að koma aftur.
