Manchester City-goðsögnin Willie Donachie lenti í leiðinda atviki á dögunum þegar Rolex-úri hans var stolið. Atvikið varð á Ibizia, þar sem Donachie er í fríi.

Donachie eyddi fimmtán árum hjá Man City. Hann lék einnig með Portland Timbers, Norwich, Burnley og Oldham á ferlinum. Þá á hann að baki 35 leik fyrir skoska landsliðið.

Ræningjarnir keyrðu Donachie í jörðina og tóku úrið af úlnlið hans. Hann elti svo mennina eftir að þeir hlupu á brott. Donachie náði einum þeirra en það var ekki sá sem var með úrið. Hinn slapp.

Fjölskylda Donachie reynir nú að endurheimta úrið, sem er Donachie mjög mikilvægt. Hann fékk það í gjöf er hann var astoðarþjálfari Oldham árið 1991 þegar liðið komst upp. Þakkarorð til hans frá Oldham eru grafin í úrið.