Spænska blaðið Sport heldur því fram að Frenkie De Jong ætli sér að vera áfram hjá Barcelona. Setur þetta plön Manchester United í mikla hættu.
Samkomulag félaganna er langt komið en De Jong virðist ekki hafa áhuga á að yfirgefa Barcelona.
Barcelona vantar fjármagn inn í rekstur sinn og vill félagið selja De Jong til að fjármagna kaup á Robert Lewandowski.
De Jong er 25 ára gamall en samkvæmt Sport er raunveruleg hætta á því að De Jong neiti að fara og að félagaskiptin gangi ekki í gegn.
Væri þetta gríðarlegt áfall fyrir Erik ten Hag stjóra United sem hefur lagt alla áherslu á það að fá De Jong í sumar.
