Rúnar Alex Rúnarsson mætir aftur til æfinga hjá Arsenal í vikunni eftir lándsvöl hjá OH Leuven í Belgíu. Óvíst er hvað gerist í sumar.

Rúnar gekk í raðir Arsenal fyrir tveimur árum og lék með liðinu í ensku úrvalsdeildinni auk þess að spila í Evrópudeildinni og deildarbikar.

Rúnar var lánaður til Belgíu síðasta sumar og átti góða spretti í efstu deild í Belgíu. „Það er ekki komið á hreint hvað gerist í sumar, hann er bara að fara til æfinga hjá Arsenal núna,“ segir Magnús Agnar Magnússon umboðsmaður Rúnars í samtali við 433.is.

Magnús segir að Rúnar muni ekki snúa aftur til Leuven í Belgíu en skoði aðra kosti sem gætu komið upp.

Arsenal hefur gengið frá kaupum á Matt Turner en fyrir eru félagið með Aaron Ramsdale og Bernd Leno í sínum röðum. Búist er við að Leno fari í sumar og meiri líkur en minni eru á því að Rúnar fari frá Arsenal.

Rúnar er 27 ára gamall en hann hefur spilað fyrir Nordsjælland, Dijon, Arsenal og nú síðast Leuven á ferli sínum.