Ernesto Valverde, fyrrum stjóri Barcelona, er við það að taka við Athletic Bilbao samkvæmt spænsku miðlum.
Forsetakosningar fóru fram hjá Athletic á föstudag og þar vann Jon Uriarte og fékk hann 46 prósent atvkæða.
Eitt af loforðum Uriarte var að fá Valverde aftur til félagsins sem yrði í þriðja sinn sem hann tekur við félaginu.
Valverde hefur sjálfur ekkert tjáð sig um framtíðina en hann hefur ekki stýrt liði síðan hann yfirgaf Barcelona árið 2020.
Valverde er 58 ára gamall en hann hefur þjálfað Athletic bæði 2003 – 2005 og síðar 2013 til 2017 með góðum árangri.
Forsetinn hefur lofað því að Valverde verði næsti stjóri liðsins en hvort hann standi við það kemur í ljós á næstu vikum.
