Paris Saint-Germain er að reyna að tryggja sér varnarmanninn Milan Skriniar sem spilar með Inter Milan á Ítalíu.
BeIN Sports greinir frá þessu en PSG notaðist við eigin leikmann til að reyna sannfæra leikmanninn um að skipta um félag.
Samkvæmt heimildum beIN þá hefur Achraf Hakimi hringt í Skriniar og reynt að sannfæra hann um að koma til Frakklands. Það var PSG sem bað bakvörðinn um að hringja í fyrrum samherja sinn.
Hakimi er sjálfur fyrrum leikmaður Inter og þekkir Skriniar vel en hann hefur gert það gott í Frakklandi eftir skiptin.
PSG er búið að bjóða 50 milljónir evra í Skriniar og var því boði hafnað og mun þetta tilboð hækka í 60 milljónir evra.
Hvort símtalið hafi virkað eða ekki kemur í ljós en Skriniar gæti fengið fimm ára samning í Frakklandi og þénað átta milljónir evra fyrir hvert tímabil.
