Sadio Mane er að ganga til liðs við Bayern Munchen fyrir 35 milljónir punda.
Senegalinn á eitt ár eftir af samningi sínum við Liverpool, þaðan sem Bayern kaupir hann.
Talið er að Mane fái 250 þúsund pund í vikulaun hjá Bayern.
Liverpool vildi halda leikmanninum en var ekki tilbúið að bjóða honum það sem hann vildi er launatölur varðar.
Mane heimtaði að verða launahæsti leikmaður Liverpool, ætti hann að skrifa undir nýjan samning. Mirror segir frá þessu.
Liverpool vildi ekki ganga að þeim kröfum og selja hann því fremur en að missa hann frítt næsta sumar.
Mohamed Salah, önnur stjarna Liverpool, á einnig aðeins ár eftir af samningi sínum við félagið. Það verður afar áhugavert að sjá hvernig mál Egyptans þróast eftir að Mane hverfur á brott.
