Brasilíska goðsögnin Ronaldinho hefur valið það lið sem hann fylgist hvað mest með á Englandi og hefur mest gaman að.

Ronaldinho er nafn sem flestir ættu að kannast við en hann gerði garðinn frægan með Barcelona og var einn allra besti leikmaður heims.

Bikarmeistarar Liverpool eru í uppáhaldi hjá Ronaldinho en hann elskar að fylgjast með sóknarlínu liðsins.

Mohamed Salah, Sadio Mane, Luis Diaz, Roberto Firmino og Diogo Jota spila þar og koma Takumi Minamino og Divock Origi stundum við sögu.

Liverpool er talið vera með eina bestu sóknarlínu heims og var nálægt því að vinna fernuna á tímabilinu sem gekk að lokum ekki upp.

Þeir rauðklæddu voru stigi á eftir Manchester City í ensku deildini og töpuðu úrslitaleik Meistaradeildarinnar gegn Real Madrid.

,,Það er erfitt að velja bara eitt lið, það eru mörg lið sem ég er hrifinn af. Mér líkar við marga leikmenn í mörgum liðum,“ sagði Ronaldinho.

,,Það er erfitt að velja eitt, öll liðin eru með leikmenn sem ég vil fylgjast með en eins og staðan er þá er það sóknarlína Liverpool sem verður fyrir valinu.“