Fram fékk Leikni R. í heimsókn í 32-liða úrslitum Mjólkurbikars karla í fótbolta í dag.

Magnús Ingi Þórðarson kom heimamönnum yfir eftir 12. mínútna leik þegar hann setti boltann í netið og staðan í leikhléi 1-0 Fram í vil.

Alexander Már Þorláksson tvöfaldaði forystu Framara þegar sex mínútur voru liðnar af síðari hálfleik en Mikkel Jakobsen minnkaði muninn fyrir Leikni með marki beint úr aukaspyrnu á 66. mínútu.

Fimm mínútum síðar var Alex Freyr Elísson rekinn af velli fyrir að handleika boltann inni í eigin vítateig. Emil Berger fór á punktinn og jafnaði metin fyrir Leiknismenn sem nú voru manni fleiri.

Leiknir komst í dauðafæri stuttu síðar en staðan var 2-2 þegar flautað var til leiksloka og því farið í framlengingu. Varamaðurinn Jannik Holmsgaard kom 10 leikmönnum Fram yfir á lokamínútum fyrri hálfeiks framlengingarinnar með skalla eftir fyrirgjöf frá Tiago,

Það reyndist lokamarkið í leiknum og Fram er því komið áfram í 16-liða úrslit bikarsins.

Fram 3 – 2 Leiknir R.
1-0 Magnús Þórðarson (’12)
2-0 Alexander Már Þorláksson (’51)
2-1 Mikkel Jakobsen (’66)
2-2 Emil Berger (’72, víti)
3-2 Jannik Holmsgaard (‘103)