Harry Kane er ánægður hjá Tottenham og er tilbúinn að skrifa undir nýjan samnig við félagið. Þetta segir Evening Standard.

Kane reyndi að færa sig yfir til Manchester City í fyrrasumar og neitaði þá að framlengja samning sinn við Tottenham en allt kom fyrir ekki og leikmaðurinn varð áfram hjá Spurs.

Enski landsliðsfyrirliðinn er nú sagður spenntur fyrir áætlunum Antonio Conte og bindur vonir við að Spurs geti loks unnið titil undir stjórn Ítalans á næstu leiktíð.

Kane á tvö ár eftir á samningi sínum við Spurs og hefur ekki verið í viðræðum um nýjan samning hingað til.

Conte mun ræða við Fabio Paratici, yfirmann knattspyrnumála hjá félaginu, í þessari viku og ef viðræður ganga vel er Kane sagður opinn fyrir því að framlengja við æskufélagið sitt þegar hann mætir aftur til æfinga á undirbúningstímabilinu.