Kylian Mbappe gerði um helgina nýjan samning við Paris Saint-Germain. Mun hann gilda til ársins 2025.
Talið var líklegt að hinn 23 ára gamli Mbappe væri á leið til Real Madrid en nýr ofursamningur í París kemur í veg fyrir það.
Mbappe mun þéna um milljón punda á viku. Það eru tæpar 165 milljónir íslenskra króna. Þá fær hann það sem jafngildir um 16,5 milljörðum króna fyrir það eitt að skrifa undir.
Frakkinn fær þá bónusgreiðslur fyrir skoruð mörk, vinnur Meistaradeildina eða ef hann hlýtur Ballon d’Or verðlaunin.
Mbappe er nú í sumarfríi eftir að leiktímabilinu í Frakklandi er lokið. Hann nýtur nú lífsins á suðurströnd Frakklands. Frakkinn ungi er staddur á kvikmyndahátíðinni í Cannes ásamt liðsfélaga sínum hjá PSG, Achraf Hakimi.
Myndir af þeim félögum má sjá hér að neðan.
