ÍBV tók á móti ÍA í Vestmannaeyjum í dag.

Ekki var mikið um dauðafæri í fyrri hálfleik. Skagamenn fengu líklega besta færi hans en heimamenn voru þó sterkari heilt yfir. Markalaust var í leikhléi.

Á 67. mínútu fékk Elvis Bwomono í liði ÍBV að líta sitt annað gula spjald og þar með rautt.

Gestunum tókst þó engan veginn að nýta sér liðsmuninn til að keyra á Eyjamenn.

Þegar fimm mínútur voru eftir af venjulegum leiktíma fékk Jón Gísli Eyland Gíslason í liði ÍA svo sitt annað gula spjald og því orðið jafnt í liðum.

Djúpt inn í uppbótartíma fékk ÍBV vítaspyrnu. Andri Rúnar Bjarnason fór á punktinn en Árni Snær Ólafsson varði frá honum. Ótrúlega svekkjandi fyrir heimamenn.

Lokatölur urðu markalaust jafntefli.

ÍA er í áttunda sæti með sex stig eftir sjö leiki. ÍBV hefur leikið jafnmarga leiki en er í ellefta sæti með þrjú stig.