Cristiano Ronaldo, leikmaður Man United, tjáði sig um komu Hollendingsins Erik Ten Hag til félagsins í dag en Ten Hag tekur við stjórnvölunum hjá United að yfirstandandi tímabili loknu.
United hefur átt erfitt uppdráttar á tímabilinu og verður þetta fimmta ár félagsins í röð án titils. „Ég veit að hann hefur gert frábæra hluti með Ajax og að hann er reynslumikill þjálfari, en við verðum að gefa honum tíma,“ sagði Portúgalinn.
„Hann verður að fá að ráða hvað breytist. Allt félagið mun njóta góðs af ef hann stendur sig vel, svo ég óska honum góðs gengis,“ bætti Ronaldo við. „Við erum allir spenntir og glaðir, ekki bara leikmennirnir heldur stuðningsmennirnir líka. Við verðum að hafa trú á að við getum unnið titla á næstu leiktíð.“
Framíð Ronaldo hjá United er óljós þar sem félagið leikur ekki í Meistaradeild Evrópu á næstu leiktíð. Samningur Ronaldo rennur ekki út fyrr en á næsta ári en ákvæði er í samningnum um að framlengja um eitt ár til viðbótar.
