Enska úrvalsdeildarfélagið Burnley er í framherjakrísu eftir að Newcastle keypti Chris Wood frá félaginu á fimmtudag.
Nýir og moldríkir eigendur Newcastle eru byrjaðir að styrkja liðið og keyptu Kieran Trippier fyrr í mánuðinum. Þá keyptu þeir eins og áður sagði Chris Wood fyrir 25 milljónir punda. Leikmaðurinn skrifaði undir 2 og hálfs árs samning við félagið.
Burnley er nú í kappi við tímann að finna annan framherja áður en félagsskiptaglugginn lokar. Samkvæmt Daily Mail hefur Sean Dyche áhgua á að fá Andy Carroll til félagsins en samningur hans við Reading rennur út í þessum mánuði.
Samningur Andy Carroll við Newcastle rann út í sumar og samdi hann við Reading í nóvember til tveggja mánaða. Carroll hefur aðeins skorað eitt mark í sjö leikjum fyrir félagið en Dyche hefur þó hrifist af frammistöðu leikmannsins í þessum leikjum.
