Cristiano Ronaldo, leikmaður Manchester United, segir að liðið verði að bregðast strax við 0-1 tapinu gegn Aston Villa í gær.
Kourtney Hause kom Villa yfir í leiknum. Bruno Fernandes fékk gullið tækifæri til að tryggja Man Utd stig af vítapunktinum í uppbótartíma. Hann skaut boltanum þó hátt yfir markið.
,,Þetta er bara byrjunin,“ sagði Ronaldo eftir leik. Þetta var hans fjórði leikur frá því hann kom aftur til Man Utd seint í sumar. Hann hefur farið vel af stað.
,,Í keppni sem er eins sterk og enska úrvalsdeildin þá skiptir hvert stig máli. Við þurfum að bregðast strax við, standa aftur upp og sýna hvað við getum,“ bætti Portúgalinn við