Arnór Borg Guðjohnsen er sagður hafa verið staddur í Víkinni í dag til að fagna Íslandsmeistaratitlinum með Víkingum. Menn hafa vakið athygli á þessu á Twitter og gagnrýnt leikmanninn harkalega.
Arnór er á leið til Víkings frá Fylki. Frá því var gengið á dögunum að leikmaðurinn gengi til liðs við Víkinga eftir tímabilið í Pepsi Max-deildinni. Það kláraðist einmitt í dag.
Á sama tíma og Víkingur tryggði sér Íslandsmeistaratitilinn tapaði Fylkir 0-6 á heimavelli gegn Val. Fylkir var nú þegar fallið úr efstu deild.
Arnór er enn á mála hjá Fylki í dag en var þó frá vegna meiðsla. Þó hefur ákvörðun hans að fara í Víkina að fagna á meðan vinnuveitendur hans í Árbænum greiða enn launin hans verið harkalega gagnrýnd.
,,Til hamingju Víkingur Reykjavík með titilinn hélt með ykkur í þessu & samgleðst ykkur. Arnór Borg samt, þú ert ennþá leikmaður Fylkis & á launum þar & átt ekki að vera að hlaupa inn á völlinn eftir leik í víkinni að fagna titlinum, þú átt að taka ábyrgð á þínu í Árbænum & klára það,“ skrifaði Albert Brynjar Ingason, leikmaður Kórdrengja á Twitter.
Bjarki Már Elísson blandaði sér einnig í umræðuna. ,,Arnór Borg mættur að fagna titlinum með Víkingum í stað þess að vera með liðinu sem er ennþá að borga honum laun í síðasta leiknum þegar þeir falla niður um deild. Þetta finnst mér ekkert eðlilega lélegt!!“
Til hamingju Víkingur Reykjavík með titilinn hélt með ykkur í þessu & samgleðst ykkur
Arnór Borg samt,þú ert ennþá leikmaður Fylkis & á launum þar & átt ekki að vera að hlaupa inn á völlinn eftir leik í víkinni að fagna titlinum,þú átt að taka ábyrgð á þínu í Árbænum & klára það
— Albert Ingason. (@Snjalli) September 25, 2021
Arnór Borg mættur að fagna titlinum með Víkingum í stað þess að vera með liðinu sem er ennþá að borga honum laun í síðasta leiknum þegar þeir falla niður um deild. Þetta finnst mér ekkert eðlilega lélegt!!
— Bjarki Már Elísson (@bjarkiel4) September 25, 2021