Chelsea ætlar sér að kaupa Matthijs De Ligt varnarmann Juventus næsta sumar þegar klásúla verður virk í samningi hans.
De Ligt er á sínu þriðja tímabili í herbúðum Juventus en segja má að hollenski varnarmaðurinn hafi ekki enn fundið taktinn.
Calcio á Ítalíu segir frá því að hægt verði að kaupa De Ligt á 103 milljónir punda næsta sumar.
Chelsea hefur viljað bæta við sig varnarmanni en það mistókst í sumar þegar Jules Kounde fékk ekki að fara frá Sevilla.
De Ligt er 22 ára gamall en hann ólst upp hjá Ajax og átti frábæran tíma þar áður en hann fór til Juventus.
