Cristiano Ronaldo hefði getað endað í Atletico Madrid en félaginu var boðið að krækja í hann undir lok félagaskiptagluggans.
Ronaldo vildi fara frá Juventus og Jorge Mendes umboðsmaður hans tók upp tólið og heyrði í nokkrum liðum.
Spænskir miðlar segja frá því að Atletico Madrid hafi fengið símtal um hvort félagið hefði áhuga. Ólíklegt er að félagið hefði getað séð um launapakka Ronaldo.
Mendes var einnig kominn langt í viðræðum við Manchester City þegar erkifjendur þeirra í United stukku til og kræktu í Ronaldo.
Juventus ætlaði sér ekki að selja Ronaldo en þegar þessi 36 ára gamli leikmaður fór fram á sölu, ákvað Juventus að selja hann.
Enski boltinn á 433 er í boði 
